منرفع عيوننا وقلوبنا صوب السما يا ربّ، بهالصباح المبارك، تا نشكرك على نعمة الحياة اللي بتعطينا ياها كل يوم.

يا يسوع الحبيب، نحنا عنا كامل الإيمان والثقة فيك إنّك قادر تخلّصنا من التجارب والصعوبات، وانّك بتحوّل كل شي لخيرنا، ولو كان سيّء.

واليوم بالتحديد، منشوفك عم تدعينا، متل ما دعيت الرسل، تا ما نخاف من شي، لأنّك إنت مخلّصنا، وفيك الحياة بتكتمل يا إلهنا الحبيب.

وقدّيشنا مهمّين عندك يا ربّ، نحنا اللي خلقتنا وكونتنا على مثالك، تا تبدّينا على كل الخلايق؟ كيف ما بدنا نحبّك ونعبدك ونتبعك، وإنت الراعي الصالح اللي عم بتقودنا بمراعي خصبة وبتدافع عنّا بوقت الشدّة؟

نحنا بين إيديك يا يسوع، ومعك ما رح نخاف، وبدنا ندوب فيك يا ربّ، لأنو فيك وحدك الحياة.

/الخوري يوسف بركات/