23 May
23May

ما بيمرق نهار ولا ساعة ولا دقيقة ما منسبحك ومنعظمك ومنبارك فيها يا ربّ، ومنشكرك على كل لحظة إنت حاضر فيها بحياتنا.

يا سيّد، هالإنسان اللي بتحبّو لعازر مريض وعم بيلاقي الموت، وبطرس ويوحنا والرسل وكل واحد وواحدة منا بتحبّو يا يسوع متل ما حبّيت لعازر، وعم تعيش معنا وبقلوبنا متل ما كان صديقك ملاحقك بكل رسالتك اللي عملتا عا هالأرض.
يا سيّد، كل واحد وواحدة منّا هوّي لعازر، وعم نواجه موت الخطيّة يا ربّ، عم نحاول نطلع منها بس هالمحاولات ما عم بتكون إلاّ مسكّنات وما عم بتكون عمليّات جذريّة.

يا سيّد، نحنا اللي بتحبّنا مريضين، عم نصليلك، عم نتمتم منحبّك، عم نشتغل عا ذاتنا تا تتمّ مشيئتك فينا، عم نلتمس غفرانك اللي ما إلو حدود، تعا يا ربّ وخلّصنا.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.