لما بتشرق بصباح كل يوم منعرف قديش بتحبنا يا ربّ تا بعدك حامينا بنورك، ومنشكرك على حضورك الدايم بكل لحظات حياتنا يا إله المحبّة.
منتأمّل اليوم فيك يا روح الله القدّوس، روح الحقّ والحقيقة، إنت اللي مشّيت التلاميذ بطريق الحق وعرّفتنا من خلالن على الله الآب اللي خلقنا بفيض حبّو، وعلى الله الإبن اللي تواضع وتنازل عن عرش مجدو تا يعطينا الخلاص.
منتأمل فيك يا روح الله القدّوس، الروح المعزّي، اللي بتساعدنا على إننا نفهم منيح دعوة الربّ لإلنا ونعيشا بحسب مشيئتو، ونصغي لكلام الحياة بكل إيمان ورجا وثقة بإنّك مرافقنا كل إيام حياتنا.
يا روح الله القدّوس، ما بدنا روح الشرّير، روح الباطل، يتحكّم فينا ويودّينا للهلاك، بدنا ياك وحدك تكون قائد طريقنا للملكوت، وفيك بتكون حياتنا وافرة ومثمرة.
/الخوري يوسف بركات/
