كل التسبيح وكل المجد وكل الإكرام منرفعلك ياهن يا رب بصباح هالنهار المميّز اللي فيه عم نتذكّر القدّيس الشهيد مار أغناطيوس الأنطاكيّ اللي قدّم حياتو خبز مطحون كرمال يردّ الضالين لإلك.

والشهادة يا ربّ هيي أهمّ وأقوى رسالة لكل إنسان مننا مؤمن وملتزم بتعاليمك اللي بتدعينا فيها تا ننكر ذاتنا وملذّاتنا، وننبذ الحقد والكراهية والبغض اللي من خلالن عم بيحاول الشيطان إنّو يبعدنا عنّك، ونرجع نلتفت لعيش المحبّة مع كل الناس وخصوصي مع المهمّشين.

يا ربّ السما والأرض ، شو بتنفع نفوسنا بهالحياة إذا ما كانت عم بتحيى بحسب تعاليمك؟ واليوم رح نحاول نحبّك متل ما إنت حبّيتنا، ونخدمك بالمحتاج متل ما إنت خدمتنا، ونبذل ذاتنا حبًّا فيك.

/الخوري يوسف بركات/