منرفعلك يا ربّ السما والأرض كل التسبيح والمجد والإكرام مع كل صباح بتشرقو علينا.
يا ربّي يسوع، إنت اللي جيت عا أرضنا تا تعلّمنا كيف نكون صادقين وما نحكي إلّا الحقّ، وهيدي الحقيقة ما بيفهما إلّا البسطا والمساكين والفقرا، وبتبقى مش مفهومة عند السلاطين واللي عاملين حالن عظماء لأنّن ما بيقبلو ينحنيو قدّامك، إنت الحقيقة المطلقة.
وتا نعيش هالحقيقة، ما فينا إلّا ما نرجع للتواضع اللي خلقتو فينا يا ربّ مع الولادة، هالتواضع اللي هوي مفتاح باب الملكوت.
وما فينا نعيش هالتواضع إلّا ما نعيش المحبّة اللي هيي مفتاح قلبك يا ربّ، وهيك منقدر نوصل لعندك بكلّ عفويّة وجرأة، ونكبّ عنّا كل المعارف والعلوم اللي بتحاول تبعدنا عنك.
/الخوري يوسف بركات/
