17 Nov
17Nov

كل التسبيح والمجد والإكرام منرفعن لإلك يا إله السما والأرض، ومنشكرك على هالنهار الجديد اللي عم تشرقو علينا.

يا ربّي يسوع، إنت اللي شابهت الإنسان بكل شي ما عدا الخطيّة، كيف تجرّأ اليهود إنّن يحاولو يجرّبوك ويجدّفو عالروح القدس.

يا ربّي يسوع، إنت المنزّه عن الخطيّة جيت عا أرضنا تا تعطينا الفرح والسلام والطمأنينة، إنت اللي تالّمت لآلامنا وإختبرت أوجاعنا وعرفت الموت، ورغم هالشي ما كنت عبد للخطيّة وإنتصرت عالشيطان وعا كل قوّتو، وعلّمت الرسل والتلاميذ وعلّمتنا إنّو اللي بيعيش مع الربّ وبيسلّمو ذاتو، ممكن يخسر حياتو بالجسد، بس ما ممكن يخسر حياتو معك.

يا ربّي يسوع، ساعدنا تا نعيش ونثبت فيك، إنت الحق والحياة ومنّك كل الخير.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.