10 Nov
10Nov

ما أجمل الصباح اللي فيه منوعا عا نورك يا ربّ، واللي فيك منتأمّلك كيف بتفيض خيراتك عالدني كلّا، والخليقة بترفعلك أناشيد التسبيح عا طريقتا.

يا ربّي يسوع، كيف ممكن نقدر، نحنا البشر اللي إفتديتنا بصلبك وموتك ودفنك وقيامتك، إننا نتصوّر هالقيمة اللي عطيتنا ياها، وهالمركز اللي خصصتنا فيه ورفعتنا لعندك.

يا ربّي يسوع، قدّيشنا مهمّين عندك تا تكشفلنا ذاتك وبصلاتك تجمعنا بالثالوث الأقدس، إنت الإبن والآب والروح القدس.

إنت مصدرنا يا يسوع، وهدفنا وغاية حياتنا، وفيك منلاقي الحب والسلام والفرح والإتحاد بالله وببعضنا البعض، بس المشكلة فينا وبضعفنا البشريّ.

وعّينا يا ربّ على ضياعنا، تا نرجع لإلك ونثبت فيك للأبد.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.