02 Nov
02Nov

بصباح هالنهار المبارك، واللي فيه عم نتذكّر بشكل خاص موتانا، منرفعلك يا ربّ كل التسبيح والمجد، ومنطلب منّك إنّك ترحمن بملكوتك السماوي.

يا يسوعنا الحبيب، إنت اللي حبيت الإنسان ، كل إنسان ، ودعيتو للألوهة، رجانا فيك إنّك تقبل بالسما جدودنا وستاتنا بيّاتنا وإمّاتنا وإخوتنا وأخواتنا وولادنا وبناتنا وأحفادنا وحفيداتنا وكل اللي سلّموك ذاتن وتركوك تشتغل بحياتن تا تدلّن عالطريق الصحيح المنوّرة بنورك اللي ما إلها حدود.

يا إله الرحمة إرحم موتانا وكل إنسان ما عرف يعيش ملكوتك عالأرض، وفضّل العالم وكنوز الدني عليك، وطمر الوزنات اللي وكّلتو فيون، ورجع تاب وطلب الرحمة والمغفرة، رجانا إنّك ترحمن وتستقبلن بملكوتك.

يا إله المحبّة، نحنا ولادك جايين لعندك كلنا رجا وثقة إنّك تغمرنا بمحبّتك ورحمتك وتثبّتنا فيك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.