30 Oct
30Oct

بصباح هالأحد الأخير من زمن الصليب، منرفعلك كل التسبيح يا إله الرحمة والمحبّة والحنان.

يا يسوع، إنت اللي كشفتلنا عن منطق المحبّة بلا حدود لمّن عشت المحبّة مع كلّ إنسان، وعلّمتنا كيف نعيشا لمّن بمحبّتنا منحفظ كرامة الإنسان ، كل إنسان.

بهالمحبّة تعلّمنا إنّو ما نعمل شي تا نرضي ذاتنا، وإنما تا نسكن بقلبك ونفرح بنورك اللي بيضوّي بسرّ الإنسان المحتاج والمهمّش.

شو صعب علينا الملكوت يا ربّ إذا ما قدرنا شفنا بأعمالنا إلاّ ذاتنا وكل اللي بتطلبو من سلطة ومصلحة شخصيّة وأنانية ومال وممتلكات ونفوذ، أكيد ما منقدر نعرفك ولا نتعرّف عليك.

شو حلوة السما الموجودة عالأرض لأنّك فيها يا ربّ، بكل شي إنت صنعتو، بكل إنسان إنت خلقتو، وشو حلوة الحياة فيك لمّن منحبّك بكلّ إنسان.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.