بهالصباح المبارك، اللي فيه بيشرق نورك على كل الخليقة اللي كوّنتا وخلقتا يا ربّ بكلمة منّك، منرفعلك كل التسبيح والتمجيد يا إله الآلهة.
يا ربّي يسوع، منتأمّل بكلامك بعمق، ومنشوفك كيف عم تجعلنا نور للعالم، متل السراج اللي بيضوّّي العتمة، نزرع نورك بعتمة الخطيّة.
يا ربّي يسوع، السؤال اللي منطرحو على ذاتنا، هل نحنا فخورين باللي عم نعيشو بحياتنا من أقوال لأفعال لردّات فعل على تصرّفات الآخرين؟
وإذا جيت لحظة اللقاء فيك، شو هوّي شعورنا؟ منفرح؟ منحزن؟ أكيد رح نحسّ إنّو في كتير إشيا منتمنّى لو ما عملناها أو حتّى فكّرنا فيها.
ساعدنا يا ربّ تا نبلّش، من هاللحظة، بالمصالحة مع ذاتنا ومعك، ونقطع صلتنا بالخطيّة، وتبقى وحدك كنزنا الوحيد وننمى فيك للأبد.
/الخوري يوسف بركات/
