صباحنا بيبدا فيك يا إلهنا ومخلّصنا، ومعك الخليقة كلها بتفرح بحضورك، ولإلك بترفع كل التسبيح والمجد والإكرام.

شو حلو ملكوتك يا ربّي يسوع، ملكوت المحبّة والفرح والسلام، والأحلى إنّك بتدعينا لملكوتك وتاركلنا الحرّية بإننا نختار.

يا يسوع، العالم كرّمك ونحنا عمّال فيه، وكل شي فينا هوي ملكك ونحنا عم نحاول بكلّ جهدنا إننا نشتغل بأمانة لأننا عارفين إننا بالنهاية رح نأدّي الحساب قدّامك عن كل شي عشناه وعملناه.

وشو حلوة تكون الإجرة، بعد هالشغل كلو بكرمك بهالعالم، يا إلهنا الحبيب، هيي إنت يا وليمة الحياة الأبديّة اللي بتقبلنا بأيّة ساعة وصلنا فيها لعندك.

أعطينا يا ربّ نعمة التوبة الحقيقيّة والصادقة تا نشترك بوليمة حبّك الأبديّ.

/الخوري يوسف بركات/