HTML مخصص
بيخبرو عن بنت زغيرة سألت أهلها قديش الله كبير؟
كان مارق نسر بعيد و عالي بالسّما قالولها : قديش كبير هالنسر؟
قالتلن: كتير زغير قد النقطة!
بعدين أخدوها عا جنينة الحيوانات و وقفو قدّام قفص النسر و سألوها نفس السؤال:
قديش كبير هالنسر؟
قالتلن: كتير كتير كبير!
قالولها إنّو الإنسان بيشوف الله حسب ما يكون قريب منّو!
كل ما تقرّبنا منو كل ما حسّينا فيه أكتر و كل ما بعدنا عنّو يمكن ما مننتبه لوجودو مع إنّو هوي ثابت ما بيتغيّر!
إخوتي...
اليوم كلنا مدعّوين نرجع لحد يسوع و نتخبى تحت جناحاتو من عواصف هالدني و نصلّي للبنان تا يضلّ قريب من الله و الرب يردّ عنو كل شر!
الله كبير و رحمتو كبيرة، وحدو قادر يخلصنا. آمــــــــــــين.
