إحمِ أطفال لبنان !


31 Aug
31Aug
إعلان خاص

اليوم ٣١ آب بتحتفل الكنيسة بعيد مار عبدا المشمّر شفيع الأطفال.

كلمة المشمّر يعني "السهران" و تلقّب هيك مار عبدا لأنّو كان بالدير عا تلّة المشمّر اللي كانت مركز للنسّاك.

و قضى حياتو يحاول يردّ الوثنيين للإيمان و يشتغل انّو يقنعهن ما يقدمو ذبائح بشريّة اللي كانت تكون إجمالاً ولادن!!

بس إقتنعو إنّو اللي عم يعملوه غلط و إرتدّوا صار يعمّدلن ولادن بدل ما يقدموهن ذبائح... و هيك لأنّو خَلّص هالزغار صار مار عبدا شفيع الأطفال!

يا مار عبدا بعيدك منطلب منّك تحمي أطفال لبنان اللي كتار منّن عم ينامو جوعانين، ما عم يلاقولن أهلن حليب و خبز و إذا مِرضو بيمرضو أهلن من الفكرة، لأنّن ما إلن مطرح بالمستشفيات و لا دوا!!

هيدا و يمكن كتار منّن ما يقدرو يفوتو عالمدرسة متل رفقاتن...
إهتمّ بولاد لبنان و خلّيك سهران عليهن و ينعاد عليك!


المصدر : صفحة Jesus My Lord

تعليقات
* لن يتم نشر هذا البريد الإلكتروني على الموقع.