صح... غلط...!!!


06 Jun
06Jun
إعلان خاص

بيخبرو عن شب متعوّد يحترم قانون السير بأدقّ التفاصيل، بيحب يمشي عالقانون.

مرّة كان بمطرح لازم يوقف ينطر دَورو تا يمرق.

وقف و عاطي إشارة و السيّارات اللي وراه إنزعجو صارو يزمرولو و اللي بوجهو ما حدا كان يخفّف يمرقو.

صار علقان بالنص مش عارف شو يعمل!

بس لأنّو إلتزم بالقانون كلّن يا ضحكو عليه يا إنزعجو منّو.

و هيك الإنسان اللي بيحب الله و ملتزم بتعاليمو كتار رح يستخفّو بهالشغلة و يقلّلو من أهميّتها و كتار يمكن يضحكو عليه و حتّى ينزعجو منّو...

بس هالشي ما بيعني إنّو يوقّف إيمانو بالعكس!

لو كان شخص واحد عم يتصرّف صح و ١٠٠٠ عم يتصرّفو غلط بيبقى الصح صح و الغلط غلط، الكِترة ما بتغلب القاعدة!

و متل ما قلنا يسوع :

"وَتَكُونُونَ مُبْغَضِينَ مِنَ الْجَمِيعِ مِنْ أَجْلِ اسْمِي."
(لو ٢١: ١٧).


لو شو ما صار ضلّو متمسكين فيه، معو بس، منلاقي الأمان و السلام! والله معكن...


المصدر : صفحة Jesus My Lord

Social media khoddam El rab
تعليقات
* لن يتم نشر هذا البريد الإلكتروني على الموقع.