10 Jan
10Jan

شو أكتر شغلة ناقصة بحياتنا اليوم؟
السّلام!
ما عم فينا نعيش بسلام، دايمًا بيضلّ في شي ناقِص قد ما كنا فرحانين أو مرتاحين!

عن هالموضوع بتقول القدّيسة تريزيا الطفل يسوع لمّا سألوها:

شو عملتي تا وصلتي للسّلام اللّي بيرافقِك عاطول شو ما صار؟

جاوبتُن: نسيت حالي و جرّبت ما فتّش عن حالي بشي!

أنانيّتنا هيّي اللّي واقفة بيننا و بين سلامنا!

طول ما عم نفتّش عا حالنا و عا مصلحِتنا عا طول رح يضلّ بدنا بَعْد، ما رح نكتفي و هالفكرة وحدَها كفيلة تاخد منّا سلامنا...

أكيد إنّك تطلَع من حالَك بزمن الكلّ حواليك همّهن نفسُن، صعب كتير بس إنّك تربَح السّلام الدّايم حرزان تجرّب كرمالو!

منصلّي اليوم مع تريز عا نية كلّ شخص بحاجة للسّلام حتى يلاقيه...


المصدر : صفحة Jesus My Lord

تعليقات
* لن يتم نشر هذا البريد الإلكتروني على الموقع.