02 Jan
02Jan
إعلان خاص

يوم الإثنين... ناس بتحبّو و ناس بتكرهو و ناس بالنسبة إلن متلو متل كل الإيّام...

منّن ييقولو بس يجي الإثنين :
خَي خلص الأسبوع الماضي و هيدي بداية جديدة و ناس بيقولو اللي بيصبّر إنّو بعد في أربع أيّام لنهار الجمعة و ناس ما بيعرفو أي يوم نحنا من الأصل!

الإيّام بحدّ ذاتها ما عندها هالتأثير!

الفرق إنّو إنت بتقرّر كيف بدّك تستثمر يومك اللي عطاك ياه ربنا يا بتستفيد مِنّو بشي إيجابي يا بتتصرّف بسلبيّة!

الفرق هوّي ربنا حاضر بيومك أو لأ؟!

اليوم الإثنين ، كيف بدكن يكون نهاركن؟ كيف رح تواجهو أشخاص و تحديّات و مواقف ناطرتكن و يمكن مش كلها متل ما بتحبّو؟

بآخر اليوم بس تحطّو راسكن عالمخدّة إرجعو فكرو بكل لحظة من نهاركن و عملو تقييم لحالكن و قرّرو شو بدكن تضلّو حاملين مِنّو لتاني يوم و شو بدكن ياخد معو هاليوم هوّي و رايح...

إيّامكن كلها مباركة. آميـــــــن.


المصدر : صفحة Jesus My Lord

تعليقات
* لن يتم نشر هذا البريد الإلكتروني على الموقع.