بيقول مار إفرام السرياني:

"دبّر يا رب سفينة حياتي بوصاياكَ وأعطني فهماً لكي أتاجِر بالوزنات ما دام لي الوقت قبل أن يُقال لي : هلمّ أرِني تجارة زمانك..."

يا رب لما وزّعت الوزنات، حصّتنا طلعِت حرزانة عا قد ثِقَتك فينا، بس نحنا أوقات كتير عم نلتِهي بإشيا و عم نِتكَسْلَن و عم نعمِل متل العبد اللّي خبّاهن و نطَرَك تِرجَع تا يردّهن متل ما هني هوي و مفكّر انو حافَظ عالأمانة بدون ما يِفهَم المطلوب منو!

أعطِينا مواهب الرّوح القدس خصوصًا الحكمة تا نِفهَم و نعرِف نتصرّف و نكتِّر وزناتَك و نكون قد المسؤولية حتّى بس نوقَف قدّامَك ما نستِحي نفرجيك نتيجة اللّي عمِلناه عالأرض.

كل ما تشوفنا مركّزِين عا إشيا تانية ردّنا عا طريقَك و رجّعنا صوبَك ما تخلّينا نضِيع هون و نضيِّع معنا الحياة الأبدية...

أحد مبارك

المصدر : صفحة Jesus My Lord