03 Dec
03Dec
إعلان خاص

بيخبرو عن ضيف ببرنامج سألو المذيع إذا بعطيك هلّق مليون دولار شو بتعمل؟

قلّو بِفرَح كتير!

المذيع: يعني شو ما قلتلك مش معقول تزعل؟

الشب: أكيد لأ المصاري بتحلّ كل شي.
المذيع: طيّب إذا بعطيك ١٠ مليون دولار!
لمعوا عيونو للشب بمجرّد ما فكّر شو رح يعمل بهالمبلغ الكبير.

المذيع: بس ما خلّصت جملتي، بعطيك ياهن بس ما بتوعى تاني يوم.

ما فكّر الشب قلّو: ما بدّي ياهن!

المذيع: ليش؟

الشب: شو نفعن إذا ما كان عندي وقت إتصرّف فيهن.

المذيع: يعني إنت عم تقول إنّو يكون عندك نهار جديد تعيشو أهمّ من المصاري.

الشب: أكيد !

المذيع: ليش ما فكّرت هيك قبل؟

الشب: معك حق، و لا مرّة فكّرت بهالطريقة!




الزوّادة بتقلّي وبتقلّك :

يمكن كل يوم يكون عِنّا مشاكل و نتعرّض لإشيا و نعيش إشيا صعبة بس تذكّرو إنّو نحنا وعِينا بهالنهار و غيرنا لأ!
إنّك تفتح عيونك الصبح نعمة وحدها بتستاهل تشكر ربنا عليها بكل لحظة! والله معك...


المصدر : صفحة Jesus My Lord

تعليقات
* لن يتم نشر هذا البريد الإلكتروني على الموقع.