18 Nov
18Nov
إعلان خاص

الله معكن...

بيخبّرو عن صبي إجا عند أهلو عطاهُن ورقة مكتوب عليها:

تنضيف الجنينة: ٥٠٠٠ ل.ل
ترتيب أوضتي: ٣٠٠٠ ل.ل
إنتباه لخيّي الزغير: ٦٠٠٠ ل.ل
روحة عالدكّان: ٢٠٠٠ ل.ل
غسيل السيارة: ٥٠٠٠ ل.ل،
المجموع: ٢١٠٠٠ ل.ل.

أخدت إمّو الورقة وكتبِت:
حمل ٩ أشهر: دون مقابل.
سهَر عند المرض: دون مقابل.
إهتمام ٢٤/٢٤: دون مقابل.
قلق: دون مقابل.

بس شاف الصبي الورقة إستحى وأخد القلم وكتب حد المجموع:

«مدفوع بالكامل ومسبّق».



الزوّادة اليوم بتذكّرني وبتذكّركبالوصيّة الرابعة «أكرِم أباك وأمّك».

الأهل نعمة من الله، هنّي سبب وجودنا على هالأرض، كَم مرّة سهرو لنِحنا ننمى، تعبو لنِحنا إرتحنا، جاعو لنِحنا شبعنا.

خلّينا ننحني قدّامُن إن كانو على هالأرض أو صارو من سكّان السما، ونجرّب نردّلُّن شوي من الكتير يلّي قدّمولنا ياه بكلّ مجانيّة، والله معكن...



المصدر : صوت المحبّة

تعليقات
* لن يتم نشر هذا البريد الإلكتروني على الموقع.