02 Oct
02Oct
إعلان خاص

بيخبرو عن ولاد كانو لمّا أهلن يجيبولن إشيا طيبين إذا ضهرو ياكلو برّا أهلن ما يخلّوهن و يقولولن يفوتو لجوّا أو ياخدو اللي عم ياكلو و يتقاسمو مع ولاد الجيران.

ما كانو يفهمو هالولاد ليش ما فيهن يوقفو برّا و ليش لازم يعطو ولاد الجيران من غراضن و أهلن ما فسّرولن حتّى و لا بطريقة ما يحسّو بالشفقة عالجيران أبداً مش هيدا المطلوب!

بعدين كبرو هالولاد و صار عندن ولاد و صارو يقولولن نفس الشي بس هالمرّة هنّي و فهمانين ليش كتير منيح...

كانو أهلن ما يجبروهن بشي بس علّموهن إنّو إذا مش قادر تتقاسم اللي عندك مع غيرك عالقليلة ما تزعّلن إنّو هنّي ما عندن متلك!

ما أكتر الناس هالإيّام اللي كل ما اشترو شي بدّن يفرجو الكل و في غيرن يمكن مش قادر يجيب ربطة خبز...

نعمة ربنا تحلّ عا كل انسان و تفيض و انشالله ما بيبقى محتاج!


المصدر : صفحة Jesus My Lord

تعليقات
* لن يتم نشر هذا البريد الإلكتروني على الموقع.