ﻟﻴﺴﺖ ﻣَﻌﺮﺽَ ﻗﺪﻳﺴﻴﻦ !


16 May
16May
إعلان خاص

اليوم بدنا نتأمّل بجملة حلوة كتير :

“إﺫﺍ ﻛﻨﺖ ﻻ‌ ﺗﺬﻫﺐ إلى ﺍﻟﻜﻨﻴﺴﺔ لأنّها ﻣﻠﻴﺌﺔ ﺑﺎﻟﻤﺮﺍﺋﻴﻦ ،ﺗﺬﻛّﺮ أنّ ﺍﻟﻜﻨﻴﺴﺔ ﻫﻲ ﻣﺴﺘﺸﻔﻰ ﺧَﻄﺄﺓ ﻭﻟﻴﺴﺖ ﻣَﻌﺮﺽَ ﻗﺪﻳﺴﻴﻦ !.. “

شو قويّة و شو بتعبّر عن حقيقة عم نعيشها بكنايسنا و رعايانا.

بيجي حدا بيقلك أنا ما بروح عالكنيسة الأبونا ما بحبو، أو وكيل الوقف عم يستغل الكنيسة، أو ما بدي إتلاقى بفلان ما بحكي معو، أو اللي بيخدمو بالكنيسة ضدنا بالإنتخابات…

كنيسة


الزوّادة بتقلّي وبتقلّك :

لازم يكون عنّا وعي نرجع للأوّل و نفكر عن جديد، أنا ليش بروح عالكنيسة؟
الجواب هوي تا آلتقي بيسوع و ما بيهمني مين ما كان موجود ،ما لازم كون شايف غير إبن الله!

يسوع عازمك عا وليمة الحمل معقول ما تجي لأنو في حدا معزوم ما بتتفق معو!؟
و لو يسوع اللي مات تا يخلصك ما بتضحي كرمالو بشوفة ناس مش حابب تلتقي فيا!؟

عنجد عيب نحنا كمسيحيّين منقول إنو منآمن نتصرّف هيك!

يسوع قلنا إنّو منّو جايي كرمال الأبرار هوي جايي يخلص الخاطيين.

إذا نسينا كل هالشي أصلاً مين نحنا تا نقرّر مين خاطي و مين لأ؟
منبلش من حالنا بيمرق شي يوم ما منخطي؟ ما تخلو الحكم عالناس و الحقد يعميكن.

اليوم دعوتنا إلكن تروحو عالقداس تلتقو بيسوع و بس نقطة عالسطر! والله معكن...


#خدّام الرب

Social media khoddam El rab
تعليقات
* لن يتم نشر هذا البريد الإلكتروني على الموقع.