02 Jun
02Jun
إعلان خاص

ببداية هالشهر المبارك منسبّحك ومنمجّدك يا ربّ مع الإنجيليّين الأربعة متى ومرقس ولوقا ويوحنا.

مع متّى الرسول والإنجيلي اللي من بعد ما شاف فيك الغنى الحقيقي ترك كل شي وتبعك، ترك شغلتو ومركزو ولحقك يا ربّ، منسبّحك يا ربّي يسوع.

مع مرقس الإنجيلي، التلميذ اللي تنشّأ عا تعاليمك وخبّر عنك وبشّر بكلامك وبقيامتك بكل الأماكن اللي إنوجد فيها، منسبّحك ومنمجّدك يا ربّي يسوع.

مع لوقا الإنجيلي، الطبيب اللي إنشغف بشخصيتك وصار يحكي عنّك لكل إنسان إلتقى فيه وخاصة صار يواجه كل الأشخاص اللي كانو مش مآمنين بألوهيتك، منسبّحك ومنباركك يا ربّي يسوع.

ومع الرسول الإنجيليّ يوحنا الرسول اللي إنفرد يكتب ويخبّر عنّك وعن حبّك للإنسان اللي خلّاك تنزل عالأرض تا ترفعنا لعند الآب السماوي منسبحك ومنباركك يا ربّي يسوع.

لإلك وحدك بيليق التمجيد والسجود يا إلهي الحبيب.


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.