"ضوّي العتمة بوطنّا" لاقونا السبت الصبح.. هيدا السبت !


14 Jul
14Jul
إعلان خاص

السبت الصبح ، مسيرة من ضيعة آيطو بالشمال، من معمل النحات نايف علوان، منحمّل تمثال مار شربل ع بلاطة ونش زغير ، مزينة بالورد والأمل ، ومحمّلة صلوات وآهات شعب لبنان المتاّلم ..

مننطلق بسيارتنا ورا قديسنا.. بمسيرة صلاة عطريق بلادو، بلاد الأرز والعز، منمرق من حد البيوت الصامتة ع قهرها والحابسة دموعها تبكي عالسكت وجع إيام سودا ، بركي بشفاعة شربل بترجع تنوّر بقناديل الأمل والرجا… مننطلق وشربل يبارك الطريق الشوار ع والضيع ، السيارات والبيوت التاكية عالميلين ويضوّي فيهن شعلة الإيمان الخافتة ، وإذا ع دربنا حدا رمي حق ورد ، شربل يردهن صحة وعافية إلو ول عيلتو، وإذا حدا كب كمشة رز ، تفيض النعمة غلال ببيتو .. وإذا حدا صوّر تنطبع صورة شربل بعيونو ويقلبو ..

السبت الصبح ، هيدا السبت، من آيطو لغوسطا.. طرقات لبنان الضيع المدن والشوارع رح تتبارك بمرور طبيب كل اللبنانيين بدون تمييز ، شخص الناسك الصامت.. ليستقر بجبل الرحمة بساحة تسمّت ع إسمو .."ساحة مار شربل" عند أقدام المعلّم يسوع الرحيم.

..هيدا السبت، إستقبال مار شربل ..

أمّا الاحد ١٨ تموز الساعة ٦ ف قداس مع الريس العام وأباء الدير وتبريك الشخص والساحة..

كلنا مدعوين للمشاركة بفرحة هالإحتفال…

منقول...

تعليقات
* لن يتم نشر هذا البريد الإلكتروني على الموقع.