وصفة الـ "كايك"

بيخبرو عن ست شافت عالإنترنت وصفة "كايك" جرّبتها و ضيّفت منها جارتها الختيارة.

الختيارة حبّتو كتير قالتلها إنتو جيل اليوم بتلاقو كل شي عالإنترنت أنا ما بعرف إستعملو.

قالتلها المرا تكرم عينك بس بدّك شي أنا بساعدك.

قالتلها حابّي تعمل متل هالكايك بس ما عندها الوصفة و لا المكوّنات كلّن.

حنّ قلبها المرا قامت عملتها قالب و قصّتو و بعتتلها ياه مع إبنها بس بدون كريما عالوجه متل اللي كانت عاملتو لأنّو ما بقا عندا.

بتتفاجأ بالختيارة عم تبرم بالحي تقول عنها بخيلة بدل ما تشكرها إنّو كان فيها ما تعملها شي!!



الزوّادة بتقلّي وبتقلّك :

أوقات كتير بتكون مفكّر عم تعمل منيح بيطلع العكس لأنّو في ناس منطقن غريب!
عا كل الحالات إنت خلّي قلبك حلو و ضل اعمول خير لو ضاع مع أهل الأرض بيكون محفوظ بالسما...

"وَكُلُّ مَا فَعَلْتُمْ، فَاعْمَلُوا مِنَ الْقَلْبِ، كَمَا لِلرَّبِّ لَيْسَ لِلنَّاسِ"
(كو ٢٣:٣).
والله معك...


المصدر : صفحة Jesus My lord