ما تربّو ولادكن عالأحقاد...


27 Sep
27Sep


بيخبرو عن ولاد لقيو فارة زغيرة خلقانة جديد بالجنينة، جابوها مبسوطين يفَرجو أهلن شو لقيو. 

وتفاجأو بأهلن عم يصرخو عليهن خدوها من هون كبّوها بعيد ما بتعرفو الفيران شو مؤذيّة... انصدمو الولاد... قالولن حرام هيّي زغيرة ما بتعمل شي!

بس الأهل ما كانو يسمعوهن حتّى!

هالخبريّة يمكن عاديّة بس من خلالها ما قدرنا ما نتذكّر العداوات بين البشر كيف بتنتقل من الكبار للولاد وبيربّوهن عليها مع إنّو الولاد من الطرفين ما إلن ذنب بشي!

هيدا ما تلعب معو عيلتو ما بتحبنا، بعد ناقص تصير أصحاب مع واحد من هيديك العيلة...

وغيرها كلمات كتار مِنّا سمعوها هنّي وزغار، ناس كبرت معن وناس كأنّن ما سمعوها أصلاً وعملو اللي هنّي مقتنعين فيه... ما تربّو ولادكن عالأحقاد...

عَلموهن يحبّو الكلّ متل ما علّمنا يسوع... والله معكن...


المصدر : صفحة Jesus My Lord

21Sep
تعليقات
* لن يتم نشر هذا البريد الإلكتروني على الموقع.