صباح التواضع والمحبة هيدا صباحك يا سيدي يسوع المسيح.
بهالنهار المبارك بلمحك يا ربّي يسوع عم بتلاحظ كيف عم يتسابق الفرّيسيين بكبرياء عالكراسي والصدارة.
قديش كانو بعاد عنّك وعن مشروعك يا ربّ.
بدن ياك زعيم وجيتن متواضع.
بدّن ياك قائد جيش وجيتن عبد.
ومن خلال الفريسيين بتدعيني يا رب تا أعرف ميّز وين ومين لازم صارع.
عم بتطلب منّي ما عيش التكبّر، ولا فتّش انّي كون الأول بالحياة والأخير بالسما.
عم تطلب مني كون عم إجتهد تا إربح الملكوت وما اتطلّإ كيف إربح ذاتي وملذّاتي.
وهيدا اللي رح يكون صراعي، بقوة روحك القدّوس، مع الكبرياء اللي بيبعدني عنّك.
/الخوري يوسف بركات/
