صبحيّة مع الرب


22 Mar
22Mar
إعلان خاص

مع بداية هالأسبوع، شو حلو نحسّ بحضورك يا ربّ بيناتنا خاصة لمّن مندعيك ومنفتحلك قلوبنا تا تملّيها فرح ونور وسلام.


يا إلهنا يسوع، يا نورنا بعتمة ظلام هالعالم، يا خالق هالعالم بس ما ممكن تكون إنت منّو، تعا وشيل الظلمة من قلب هالعالم المعتم بالخطية واللي عم بيحاول سلطانو إنّو يشتّت الضعاف من أبناءك.


يا ربّ السما والأرض، بدنا نمشي دربك عا هالأرض ونكون عا مثالك، ونعمل بمشيئتك ونخلّيك تحيا فينا تا نقدر نحنا نحيا فيك، ومن خلالك نقدر نعكس صورتك لكل إنسان بيشوفنا.


بهالصوم المبارك، بدنا نحاول نعيش حالة العبور الدايم من إنساننا الأرضي المتمسّك بهالدني وبملذّاتا، لإنساننا الروحي المتمسّك فيك وبتعاليمك والماشي بحسب مشيئتك.


بهالصوم المبارك، عم نسعى، يا ربّ، تا يكون إيماننا نهج حياة متجسّدة بمحبّة وخدمة كل إنسان محتاج.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.