صبحيّة مع الرب

صباح الغنى فيك هوي صباحي معك يا ربّي يسوع.

قدّيش بأوقات كتير يا رب بيكون عنّا تفكير غلط منبني عليه حياتنا اللي ممكن نخسرا بسببو.

هالحكم اللي صار عالغني ما كان بسبب غناه ولكن بسبب جهلو وتفكيرو الغلط وبعدم تقديرو للعطايا والمواهب اللي كانت عندو.

هالغني الجاهل ما قدر أمّن لحالو حياة هنيّة ولا مستقبل مهم لانّو تناسى إنّو هوي ما بيملك شي وإنّو بالنهاية كل المُلك لإلك وحدك يا ربّ.

ما بدنا نكون متل هالغني الجاهل نضيع بالتفتيش عن كيفية تجميع الثروات. 

بدنا نكون تلاميذ ورسل حقيقيين لإلك ونتخلّى عن كل شي بيجذبنا للخطيّة وبيبعدنا عنّك.

حياتنا عا هالأرض هيّي عطيّة منّك يا ربّ، إنت خلقتنا فيها برسالة معيّنة تا حتّى نمجّدك بكل عمل منعملو، وما رح نحصل عالحياة الأبديّة إلاّ إذا إستسلمنا لمشيئتك.

/الخوري يوسف بركات/