صبحيّة مع الرب


25 Jan
25Jan


صباحي معك يا رب هوي دايماً صباح الإيمان والرحمة والحبّ والحنان.


ببداية هالأسبوع اللي منتذكر فيه يا ربّ كل الكهنة اللي كرّسو حياتن تا يخدمو أسرارك ويكونو وكلاء صالحين يعرفو يحافظو عا إيمانن وإيمان آباؤن وأجدادن، منرفعلك ياهن تا تبارك أعمالن ويعرفو يقدسو حالن ورعيتن معن.

وبهاليوم بالذات اللي منتذكر ومنعيد فيه عيد إيمان القديس بولس اللي ضلّ ثابت عا إيمانو رغم كل الصعوبات والإضطهاات اللي واجها.

بولس، اللي بإيمانو الثابت فيك يا ربّ وبكلامو وبأفعالو، قدر يوصّل كلمتك لأبعد حدود.

بولس اللي عانى كل الألام والعذابات ووصل لأبعد الحدود الجغرافية تا يقدر يوصّلك ويوصّل البشارة للناس اللي كانت وبعدا متعطّشة للمسة حبّك وحنانك ورحمتك.

يا يسوع الحبيب إنت اللي عم بتدعينا تا نستثمر مواهبنا بخدمة كل إنسان حاططو بطريقنا، منقدملك مش بس مواهبنا، كمان حياتنا.


/الخوري يوسف بركات/


أضغط هنا... للإنتقال إلى صفحاتنا على سوشيال ميديا

تعليقات
* لن يتم نشر هذا البريد الإلكتروني على الموقع.