صباح الحق والحقيقة هوي صباحي معك اليوم يا ربّي يسوع.
بدي أشكرك اليوم يا ربّ عا محبتك لإلنا وعا حنانك اللي غمرتنا فيون بروحك القدوس اللي غسلنا من خطايانا بفعل المعمودية.
بدنا نشكرك عالولادة التانية اللي عطيتنا ياها بمعمودية الروح القدس والنار وجدّدتنا ورجّعتلنا البنوّة اللي فقدناها بفعل انانيّتنا وغريزتنا.
بدنا نشكرك لأنّك صيّرتنا أبناءك اللي بتعرفنا كل واحد وواحدة بأسماءنا وعطيتنا الميزة إنّنا نكون عن يمينك وباركتنا ببركاتك السماوية.
مننحني قدّام عظمتك يا ربّ، ومنتأمّل بسرّ ألوهيّتك وإنت إنسان ، ومننبهر بشهادة الآب لإلك وقت العماد اللي فيه بيّنلنا قدّيش بيحبنا تا بعتلنا ياك تسكن معنا.
نحنا بدورنا منشهدلك بحياتنا إنّك المسيح الربّ متل ما شهدلك يوحنا المعمدان.
ومنعترف فيك إلهنا ومخلّصنا.
وماحي خطيتنا ومجدّد حياتنا بروحك القدّوس، وإنّك بداية حياتنا ونهايتا.
/الخوري يوسف بركات/
