اليوم الصبحيّة مميّزة مع القدّيسين سركيس وباخوس، اللي نالو إكليل الشهادة حبًّا فيك يا ربّ.
مع القدّيس الشهيد، قائد من قادة الجند الرومان، سرجيوس (سركيس)، اللي حبّك حبّ ما إلو حدود، وقاسى أبشع أنواع الذلّ والعذابات ورفض إنّو ينكرك وبقي وفيّ لحبّو إلك.
وإيمانو فيك كان كبير وثابت، وصل بالنهاية بإنّو يقبل الإستشهاد بقطع راسو تا ما يخسرك، برفعلك كل التسبيح يا ربّ.
ومع القديس باخوس، هالجندي الروماني الباسل، اللي دافع عن ملكو بشجاعة وتفاني لدرجة إنو صار من خاصية الملك، وبسالتو وشجاعتو تكمّلت بدفاعو عن إيمانو فيك لدرجة تحمّل الإهانات والعذابات حتى الإستشهاد بالجلد، وكان كل هدفو ما يتخلّى عنّك ويثبت بمحبّتو لإلك، برفعلك أناشيد المجد يا ربّي يسوع.
ومتل سركيس وباخوس، رح حاول حبّك ودافع عن حبّي لإلك يا ربّي يسوع، وإشهد لألوهيتك بحياتي بكلّ عمل بعملو.
/الخوري يوسف بركات/
