صبحيّة مع الرب


30 Sep
30Sep


صباحي مليان أمل ورجا فيك يا روح الله القدّوس.

إنت الساكن فيي وحاميني من كل تجارب الشرير.

قديش، وبكتير من الأوقات، بضيع، أنا الإنسان ، بكلام الرب يسوع عن التجديف عليك يا روح الله وعن الكلام عن إبن الإنسان اللي هوي المسيح، مع إني بعرف إنكن جوهر واحد مع الله الآب خالق السما والأرض.

يا روح الله، بكتير من الأوقات بنكر، أو حتى برفض إنّي إتفاعل مع حضورك بحياتي.

يا روح الله، بكتير من الأوقات بنكر، او حتى برفض حط حالي بين إيديك وإستسلم لمشيئتك بحياتي.

يا روح الله القدّوس، رغم كل الصعوبات اللي بتواجهني وبتحاول تعترض طريقي معك، بحط كل أفكاري وأقوالي وأفعالي معك تا تروحنلي ياها وصير مجّدك مع الرب يسوع والله الآب بكل عمل أو رسالة بكون فيا.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.