صباحك مليان فرح وسلام رغم الضيقات والصعوبات اللي عم بيواجها أبناءك وبناتك يا ربّ.
بهالصباح المبارك بسمعك يا رب عم بتنبّهنا إنّو لازم تكون عقولنا وأفكارنا وقلوبنا مرتفعة لعندك.
بدك يانا نعرفك ونتبعك.
ما نخلي لا حدا ولا شي يعرقل مسيرتنا معك.
لا تياب ولا أمتعة ولا الأمور المادية فيها تكون حاجز بين الإنسان المؤمن وبين ربّو.
معك يا رب ما في تراجع.
خلينا نضل مركّزين نظرنا عليك.
هيدا نهج وطريق كل إنسان مسيحي بدو يتبعك يا رب.
بعرف يا رب إنّو إيماني بيضل سطحي وما إلو طعمة إذا ما بيترافق بالأعمال اللي بتمجدك يومياً.
علينا إنو نبقى ماشيين معك يا رب صوب القداسة ونكون مسيحيين حقيقيين بأقوالنا وأفعالنا وما نخلي شي يبعدنا عنك.
/الخوري يوسف بركات/
