صبحيّة مع الرب - عيد مولد العذراء مريم


08 Sep
08Sep


بهالنهار المميّز، بسبّحك وبمجّدك يا ربّ عا كلّ نعمك وعطاياك، خاصّة عا محبتك العظيمة اللي فيها إخترت بهالنهار ولادة مريم العدرا، ام الدني كلا.

شو حلو هالنهار اللي فيه بترقص السما والأرض فرح بولادة هالإنسانة البريئة من الخطية الأصليّة.

شو حلو هالنهار، فيه الملايكة غنتلك يا أحلى وأجمل طفلة، مريم اللي رح تصيري حاملة بالطفل الإلهيّ.

شو حلو هالنهار اللي فيه إجت عالحياة، مريم اللي رح تحبل بالرب يسوع عاطي الحياة.

شو حلو هالنهار اللي فيه فرح يواكيم وحنّة بولادة بنتن، مريم اللي رح بتصير إم إلها وإم الكنيسة.

بهالنهار التاريخ حلو، كنايسنا وضيعنا وقلوبنا بتعيّد عيد ميلادك يا أجمل إم للرب، وأحلى بنت للآب وأروع عروس للروح القدس.


بحبّك يا مريم، يا ملكة السلام.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.