الحب بيختصر المسافات


17 Apr
17Apr
إعلان خاص

في حكمة بتقول :

"القليل كثير إذا قنعت، والكثير قليل إذا طمعت، والبعيد قريب إن أحببت، والقريب بعيد إن بغضت."

كم عيلة مكتفيّة بالقليل اللي عندها ياه و بتشكر الله ألف مرّة بالنهار و ما بيحسّو أفرادها إنّو ناقصن شي أبداً ؟

و كم شخص الطمع سكّرلو عيونو عن نعمة الله و قد ما عندو بيضلّ بدّو بعد!؟

كم شخص منحبّو من كل قلبنا لو في بيناتنا بحور و بلاد و قارّات، قد ما كنّا بعاد بالمسافة كل ما صار معنا شي منركض نحكيه و هوّي أوّل حدا بيخطر عا بالنا كل ما فكّرنا بشي حلو...

الحب بيختصر المسافات شوفو مثلا حب الله إلنا من السما للأرض!

و أوقات بيكون جارك الباب بالباب بس بتحسّو بعيد عنّك مش كرمال شي بس لأنّو المحبّة ما لِقيت طريقها بيناتكن بعد!

هالحكمة بتقلنا اليوم حِبّو كتير و كونو قنوعين!
نهاركن مبارك مع يسوع...


المصدر : صفحة Jesus My Lord

Social media khoddam El rab


تعليقات
* لن يتم نشر هذا البريد الإلكتروني على الموقع.