HTML مخصص
بيخبرو عن صبيِّة مرّة كانت متضايقة كتير.
راحت عالكنيسة بدها تصلّي بس لمّا وصلت لاقت إنّو الباب مقفول...
وقفت صارت تصلّي برّا بعدين تذكّرت الآية اللي بتقول :
"اِسْأَلُوا تُعْطَوْا. اُطْلُبُوا تَجِدُوا. اِقْرَعُوا يُفْتَحْ لَكُمْ"
(مت ٧؛٧)
قامت و رجعت دقّت عالباب و جرّبت تفتحو... فتح!!
فاتت صلّت و رجعت سكّرت الباب.
هيّي و رايحة عالبيت بتتلاقى بمسؤول الوقف سلّمت عليه و قلها إنّو رايح يفتح الكنيسة كرمال القدّاس!
قالتلو بس هلّق كنت فوق و الكنيسة مفتوحة و أنا فتت لجوّا!
قلها مش معقول المفتاح معي!
إبتسمت البنت و قالت بقلبها :
"أنا كمان معي مفتاح!"
أحبّائي كلنا معنا مفاتيح الكنيسة و كلنا معنا مفاتيح السما اللي هنّي كلمة الله إذا سمعناها و تذكّرناها و الأهم إذا عشناها و آمننا!
المصدر : صفحة Jesus My Lord
