بيخبرو عن مملكة الفراشات الصُفر و مملكة الفراشات السود.

مرّة خلقت فراشة بمملكة الفراشات الصفر لونها أصفر و أسود!

عصَّبوا و طردوها لأنها ما بتشبهن!

راحت هالفراشة عند الفراشات السود و خبَّرتهن القصَّة قاموا فكَّروا و لقيوا حل بيرضي الكل :

إنُّو يوحدوا المملكتين هيك بيصيروا أقوى لأنُّن كتار و بتعيش الفراشة بسلام!

و هيك صار...

كم إنسان بتجسِّد هالفراشة؟

كم شخص إنرفض من بيئة لأنّو ما بيشبهها بوقت إذا الكلّ بيجتمع و كل واحد بلَونو بيصير فيه لوحة ملوَّنة حلوة كتير!

صلاتنا اليوم عا نيِّة وحدة الكنائس و المسيحيِّين حول العالم... والله معكن.

المصدر : صفحة Jesus My Lord