الله معك...


بيخبّرو عن كلب كان ماشي بالطريق، لاقى قطعة لحمة كبيرة، فِرِح كتير، حِمِلها بتِمّو وركض. 

قرَّر يروح عَ بيتو ياكلها عَ رواق وَحدو.

بس تَ يوصل عَ بيتو لازم يقطع نهر، وصل عالنهر، تطلّع بالميّ شاف صورتو، فكَّر إنّو في كلب تاني معو قطعة لحمة تانية.

قرَّر ياخدلو ياها وهيك بيصير معو تنَين، فتح تِمّو تَ ياخدها، بتوقع اللحمة اللي بتِمّو بالنهر، جَرّب يلحقها ما قِدِر، وطلع بالآخِر بلا أكل من طَمَعو.




الزوّادة بتقلّي وبتقلَّك :


نحنا هيك، ولا مرَّة منقتنع، دايماً بدّنا أكتر ومنريد نكون أحسن من غيرنا بكلّ شي، حلو نجرِّب لو بلفتة زغيرة نتخلّى عن إشيا إلنا تَ نساعد غيرنا، وما نكون طمّيعين.

الطمع ما بعمرو نفع، والله معك.

المصدر : صوت المحبّة