الله معك...


بيخبّرو عن شَبّ كان واقف عَم يتفرَّج على عمّال عَم يحفرو نَفَق.

وفجأة بيصير في إنهيار، والنفَق بيوقع على كلّ العمّال.

وصلو رِجَال الإنقاذ من كلّ الجهَّات، وضلّ هالشبّ واقف مسمَّر بمحلّو عَم يتفرَّج.

بيسمع صوت إمّو عَم بتصرخ وتقول خيَّك كان عم يشتغل بالنفق، بسرعة البرق شلَح الشبّ الجاكيت وبلّش يحفُر وبداخلو أمل إنّو يخلّص خيّو من موت مُحتَّم.



الزوّادة بتقلّي وبتقلّك :


كل إنسان حطّو الله على طريقنا هوّي خيّ إلنا، ما لازم نتأخَّر نكون السامريّ الصالح المارق على طريق أريحا، خلّونا نشمِّر عن زنودنا ونبلِّش شغل وهيك منخلِّص ذاتنا والآخرين، والله معك.

 المصدر : صوت المحبّة