الله معك...


بيخبّرو عن فلاّح كان عندو قطعة أرض، ورثها عن جدودو كان يحبّها كتير.

بس هالأرض كانت صخريِّة وتِربتها منّها خِصبة.

بس لأنّها ورتة من الأجداد، كان يزرعها وكلّ سنة كانت تعطي غلِّة قليلة.

وهالشي ساعدو حتَّى يربّي عيلتو تربية جِدّ وضيعة.

مات الفلاّح فقير، إنَّما قبل ما يموت وَرّت الأرض لإبنو وطلب مِنّو يحافظ عليها، لأنّو هالأرض فيها كنز.

الإبن نفَّذ وصيِّة بَيّو.

إستلم الأرض وبلَّش يقتلع الصخور منها وكانت المفاجأة إنّو فعلاً الأرض فيها كنز، وأكتر من هيك إكتشف فيها الباحثين ثروة معدنية ما إلها مثيل.




الزوّادة بتقلّي وبتقلَّك :


أرضنا ثروة كبيرة جدودنا حافظو عليها وسلَّموها لبيّاتنا، وبيّاتنا سلّمونا ياها، نحنا بدورنا لازم نحافظ عليها ونسلِّمها لولادنا، والله معك.

المصدر : صوت المحبّة