كانو جدودنا المزارعين يطلبو شفاعة إمنا مريم تا يكون المحصول منيح و كان وقت الحصاد بنصّ شهر أيّار كرمال هيك منعيِّد سيدة الزروع كل سنة متل اليوم.

و بيقولو كمان إنّو هالعيد و عيد السيّدة أو (عيد سيّدة الكرمة) اللي منعيدو بآب بيربطو مريم بسرّ القربان! كيف؟

سيِّدة القمح و سيِّدة الكرمة... القربان من القمح و الخمر من الكرمة!

هيك مريم بتكون حاضرة كمان بهالسرّ متل ما كانت حاضرة عاطول مع يسوع!

يا عدرا بعيدك اليوم خلّينا بشفاعتك نكون سنابل قمح مليانة ببَيدر الله.

باركي حياتنا و عيالنا و وطننا خصوصاً اليوم و عَلمينا و ذَكرينا إننا منحصد شو منزرع.

خدّام الربّ ®