الله معك...

بيخبرو عن صبي عم يلعب مرَّة لاقى عالطريق نجمة مكسورة من اللي بيعلقوهن عالشجرة. 

أخدها و ركض عا بيتو و جاب تلزيق و قضّى ٣ إيّام يجرِّب حتَّى لزَّقها و زبَّطها و بكلّ فخر علَّقها عا شجرتو.

بليلة الميلاد بيتفاجأ هوّي و عيلتو بالنجمة عم تبرق و تضوّي شو حلوة بيَّنِت!

قال الزغير : أنا آمنت إنها رح ترجع تلمع من جديد!



الزوّادة بتقلّي و بتقلَّك :


أوقات كتير بالحياة منكون مكسورين و بدنا بس حدا يآمن فينا وهالثقة بتساعدنا نرجع نلمع من جديد... 

الحُبّ بيصلِّح كلّ شي مكسور!

يا ربّ الطفل يسوع يرمِّم كلّ جرح بقلوبكن و نور الميلاد يخلّيكن تلمعوا من جديد و الله معك.

المصدر : صفحة Jesus My Lord