HTML مخصص
الله معك...
بيوم من الإيّام وصلو الموظَّفين ع الشغل، وشافو لوحة كبيرة معلَّقة ع المدخل الرئيسي مكتوب عليها :
«مبارح مات يلّي كان عم يتسبَّب بخسارة الشركة، وعم بيأخِّر بنجاحها...»
زِعلو الموظَّفين لأنّو رفيق إلُن مات، ولـمّا فاتو ت يعزّو شافو تابوت، مرقو بالدَور حتّى يودعو رفيقُن، بسّ المفاجأة، إنّو التابوت فاضي... كان في جوّاتو مراية، وكان في ورقة مكتوب عليها :
«في شخص واحد بالعالم ممكن يحِدِّلَّك من طموحاتك ونموَّك بالعالم هوّي إنتَ».
الزوّادة بتقلّي وبتقلَّك :
«أوعا تشكِّك بقدراتك وتخاف من أيّا شي بيعترضَك... الربّ حطّ بداخلك قوِّة وطاقات كتير كبيرة، لازم تستفيد منها وتستثمرها».
المصدر : صوت المحبِّة