الله معك...
بعد معركة قويَّة، ويوم طويل من القتال، سأل جندي مُرشِد الفرقة يلّي كان يخدُم فيها وقَلّو :
«قدّيش إلهنا إله رحوم وعندو قدرة يمنح المغفرة للخاطيين!»
جاوب المُرشِد :
«بعد هالنهار الطويل من الحرب، تيابك تخزَّقِت، خبِّرني شو رح تعمل فيها؟ أكيد رح بتكِبّها»
جاوب الجندي :
«أكيد لأ، رح صلِّحها وإلبسها من جديد».
جاوَب الأب المُرشِد :
«إذا إنتَ هلقَدّ بتهتمّ بتيابك، بتصلِّحها وما بتكبّها، فكيف بدَّك الله ما يهتمّ بصورتو، يجمِّلها ويرمِّمها ع طول من خلال مغفرة الخطايا؟»
الزوّادة بتقلّي وبتقلَّك :
«بمسيرتو ع الأرض، يسوع ولا مرَّة رفض الخاطي، بالعكس يسوع كان ضدّ الخطيِّة ويرحم الخاطي، روح لعندو حِطّ خطاياك بين إيديه، وأكيد رح يغفِرلَك ويسامحَك».
المصدر : صوت المحبّة
