الله معك...
بيخَبرو عن لقاء صار بين ملكة النمسا والقدّيس منصور دي بول يلّي قالتلو :
«نيّالَك إنتَ يَلّي عملت الكتير، وضحَّيت بالكتير وتخلَّيت عن مجد الدني، نيّالَك لـمّا رح توقَف قدّام الربّ».
هزّ القدّيس براسو وقلّها :
«أنا ما عملت شي وقصَّرت كتير».
قالتلو الملكة :
«إذا إنتَ عم بتقول هيك، شو لازم الواحد يعمل بحياتو حتَّى يكون عمل شي؟»
جاوبها مار منصور :
«بكل بساطة ما لازم نقتنع بيَلّي عملناه، لازِم على طول نعمِل أكتر».
الزوّادة بتقلّي وبتقلَّك :
«العمل بمحبِّة ما بيعرف حدود، لازِم ع طول نشتغل بِحُبّ أكبر، ونعطي أكتر وأكتر».
المصدر : صوت المحبّة
