الله معك...
أنا وإنتَ اليوم، مَدعوّين لنفَكِّر بهالحقايق الحياتيِّة :
إذا قلَّك الطبّاخ إنّو الأكل فاِسد أكيد رح بتكِبّو وما تاكُل مِنّو، وإذا قلَّك الصَيدَلي إنّو الدوا خالصَة مِدِّتو وصار مُضِرّ وسامّ، أكيد رح بتبعُد عَنّو، وإذا شِفِت على عين مَيّ شِعار هالمَيّ مِش صالحَة للشِرب أكيد ما رح تِشرَب مِنّا، بس مع الأسف لمّا بيخَبّرَك الكتاب المقدّس يَلّي هوّي كلام الله إنّو الخَطيِّة بِتسَبِّبلَك الهلاك بجهنَّم بتعَجَّب كيف بتِتجاهَل هالحقيقَة وبتِمشي بدرب الشَرّ.
الزوّادة اليوم بتدعيني وبتدعيك :
«للمَشي على طريق الربّ والإبتِعاد عن كلّ يلّي بيوَصِّلنا للموت الحقيقي ويَلّي بيِنتُج عَنّو هلاك النفس بجهَنَّم». والله معك.
المصدر : صوت المحبّة
