الله معك...
بيخبرو عن ملك عزم شعبو، عَ وَليمة كبيرة بالقصر، كِلُّن حُضرو، وضلِّت العزيمة إيّام وإيّام...
والكِلّ كانو فرحانين ومبسوطين.
سَكَّر الملك وسأل الحاضرين :
«مين مِنكُن قادِر يْتَمِنّي بمبلغ من المال؟»
الكلّ سَكَتو قدّام هالطلب الغريب، إلّا رجّال كبير بالعُمر مشهور بحِكمتو، قرَّب مِن الملك وقَلّو :
«يا مولانا أنا بتَمنَك بتلاتين من الفضّة».
الملك غُضِب وقال :
«معقول كِلّ خيط من تَوبي المَلَكي بيساوي أكتر من تلاتين من الفضة؟»
جاوَب الختيار :
«يا مولانا، ملك الملوك يسوع المسيح باعوه بتلاتين من الفضَّة، أنا كِلّ شي عمِلتو إنّي ساوَيتَك فيه».
خِجِل الملك وعِرِف قَدَّيش كنوز الدني ما إلها قيمة، وإنّو الكنز الحقيقي هوّي بالسما.
الزوّادة بتقلّي وبتقلَّك :
«ما تنغَرّ بكنوز هالدني، تذكَّر كلام أيّوب، عريان من بطن الأرض طلعت، وعريان لبطن الأرض برجع». والله معك.
المصدر : صوت المحبّة
