الله معك...

ببلدة زغيرة، التقى شاب مسيحي اةإسمو إيلي بشاب مسلم إسمو ياسين، كانو يتبادلو التحيِّة كلّ صباح قدام الجامعة، حتى تطوَّرِت العلاقة بَينُن لصداقة صادقة.

وهونيك يوم، سأل ياسين صديقو إيلي :

"كيف بتآمنو بتلات آلهة وبتقولو إنكن مُوحِّدون؟"

إبتسم إيلي وقال بلطف :

"نحنا ما منآمن بثلاثة آلهة، لكن بإلهٍ واحد بتلات أقانيم : الآب، والإبن ، والروح القدس.

مثل الشمس : هيّي قُرص واحد، لكن فيها النور والحرارة والشكل... وكلها مِن نفس الجوهر."

بلَّش ياسين يتأمَّل، لكن قلبو ما نفتح فوراً.

صلّى إيلي كتير لأجل صديقو، وسأل الربّ إنّو يفتح بصيرتو ، مش بعقل الجدال، بل بمحبِّة الشهادة.

ومع الإيّام، شاف ياسين بإيلي شي مختلف : سلام عميق، غفران صادق، وصلا حيِّة فيها دفء ما بينوصَف.

وهونيك نهار ، قلّو :

"بدّي إختبر اللي عم تعيشو... بدّي  آمِن بإلهك."

أخدو إيلي عالكنيسة، وهونيك، ركع ياسين، واعترف بإيمانو بالثالوث الأقدس، واعتمد بإسم الآب والإبن والروح القدس.

الزوّادة بتقلّي وبتقلَّك :

ما تخاف إنّو تشهد لإيمانك. 

الكلمة اللي بتطلع من قلب صادق، ممكن تغيِّر مصير حياة.

الثالوث الأقدس مش لغز للعقل بس، إنَّما سِرّ بيِنعاش بالمحبِّة والنعمة. والله معك.

"فاذهبوا وتلمذوا جميع الأمم، وعمّدوهم باسم الآب والابن والروح القدس..."

(متى ٢٨: ١٩)

فريق عمل خدّام الربّ ®