الله معك...
بيخبرو عن رِجّال كان عايش مع مَرتو وإبنو بخوف الله، ومن بعد ما مات البَيّ، ضلِّت المَرا عايشة مع إبنها بتقوى الربّ.
بيوم من الإيّام بيوصل للإم فاتورة بألف دولار وما كان معها مصاري ت تدفعها.
بيقرِّر الصبي يبعت رسالة ليسوع ويطلب مِنّو الألف دولار وبيحطّ الرسالة بصندوق البريد.
لـمّا بتوصل الرسالة ع إدارة البريد بيقرِّر المُدير يفتح الرسالة ويقراها مع الموظَّفين، قرَّرو يجمَعو مِن بَعضُن المبلغ، بس مع الأسف ما قدرو أمَّنو إلّا ٩٩٠ دولار، حَطّو المبلغ بمُغلَّف وبعتوه للصبي ع عنوانو.
وشو كانِت المُفاجأة كبيرة، لـمّا بعد فترة إستلمو بالبريد جواب من الصبي مكتوب فيه :
«عزيزي يسوع بشكرك ع المبلغ بس كان لازِم تزيدو ٢٠ دولار لأنّو الموظَّف أخد ١٠ دولارات إجرتو».
الزوّادة بتقلّي وبتقلَّك :
«لازِم يكون في عندَك قلب متل قلب هالطفل، إن كان بطريقة الطلب أو بالجواب ع الطلب». والله معك.
المصدر : صوت المحبّة
