الله معك...

بعدنا مكَمّلين سَوا بزوّادِة، بدها مِنَّك بَس دقيقة.

وبدقيقة قادِر الربّ يقِلَّك إشيا كتيرة. 

إفتَح قَلبَك واتركو يِحكي. 

الخبريِّة بتقول :

سايِح زار بأحد الإيّام ناسِك. 

وتعَجَّب إنّو ما كان يِملُك إلّا بعض الكُتُب.

وسألو :

- وَين عَفشَك وغراضَك ؟

جاوَبو الناسِك :

- وإنتَ، وَين عَفشَك وغراضك؟

- عَفشي أنا؟ أنا مَنّي إلّا زايِر! 

أنا عابِر سَبيل! وبيِتطَلَّع فيه الناسِك وبيجاوبو : 

- وأنا كمان عابِر سبيل.

ونحنا اللي مكَمَّشين بهالدني، وقَلبنا معَلَّق فيها، وخيراتها مكَبّلِتنا، شو رأيكُن اليوم نتذَكَّر إنّو كِلّ واحَد مِنّا عابِر سَبيل؟؟ والله معك.

المصدر : صوت المحبّة